FCC Video - Ipinapaliwanag ni Tagapangulong Ajit Pai kung paano maaaring maging agresibo ngayon ang tagapagbigay ng serbisyo sa paggamit ng telepono na awtomatikong hadlangan ang mga hindi kanais-nais o ilegal na robocall bago pa man sila makaabot sa mga mamimili at mag-alok sa mga kustomer mga opt-in tool para hadlangan ang mga tawag batay sa kanilang listahan ng mga kontak.

Consumer Video: Don't Hang On, Hang Up! - Pag-aralan kung paano maiiwasan ang mga spoofing scam. Sa panoorin ang video na may kapsiyon, pindutin ang buton ng pag-play, at sunod na pindutin naman ang icon na "CC".

FCC Blog - Patigilin ang mga Hindi Kanais-Nais na mga Robocall

Ang mga hindi gustong tawag – kasama ang ilegal at na-spoof na mga robocall - ang nangungunang reklamo ng consumer ng FCC at ang aming nangununang priyoridad para sa pagprotekta sa consumer. Bilang karagdagan, dumarami ang mga reklamo mula sa mga consumer kung saan inii-spoof ang kanilang mga numero o maling bina-block ang kanilang mga tawag o nile-label bilang posibleng scam na tawag ng isang app o serbisyo sa pag-block ng robocall. Nakatuon ang FCC na gawin ang makakaya namin upang protektahan ka mula sa mga hindi kanais-nais na sitwasyong ito at pinaghihigpitan ang mga ilegal na tawag sa iba't ibang paraan:

  • Pagpapataw ng multa na daan-daang milyong dolyar sa mga ilegal na robocaller.
  • Palakasin ang loob ng mga kompanya ng telepono para awtomatikong hadlangan ang mga ilegal o hindi kanais-nais na tawag batay sa makatwirang pagsusuri sa tawag bago pa man makaabot ang mga tawag sa mga mamimili.
  • Hayaan ang mamimili na makapili sa mga tool para hadlangan ang mga tawag mula sa anumang numero na hindi kasama sa listahan ng kontak ng isang mamimili o ibang "white list."
  • Pakikipagtulungan upang makabuo ng mga paraan na magagawa ng mga kumpanya ng telepono na mapatunayan ang caller ID (sa English) upang mabawasan ang ilegal na pag-spoof.
  • Gawing available ang aming data ng reklamo upang mabigyang-daan ang mas mahusay na mga solusyon sa pag-block at pag-label ng mga tawag.

I-download ang Ulat ng FCC sa Mga Robocall (sa English) (PDF; 2/14/19)

Maaari kang maghain ng reklamo sa FCC (sa English) kung naniniwala kang nakatanggap ka ng ilegal na tawag o text. I-click ang mga tab sa ibaba para sa mga tip, FAQ at mapagkukunan.

Mga Tip sa Consumer

Mga Tip sa Consumer upang Pigilan ang Mga Hindi Gustong Robocall at Maiwasan ang Mga Scam sa Telepono
  • Huwag sagutin ang mga tawag na mula sa mga hindi kilalang numero. Kung masagot mo ang ganitong tawag, agad na ibaba ang telepono.
  • Maaaring hindi mo agad na masabi kung na-spoof ang isang papasok na tawag. Mangyaring malaman: Hindi agad ngangahulugan na mula sa lokal ang tumawag kapag "lokal" na numero ang ipinapakita sa Caller ID.
  • Kung sagutin mo ang tawag at hiniling sa iyo ng tumawag - o ng isang recording - na pumintod ng button upang hindi na makatanggap ng mga tawag, dapat mo lang itong ibaba. Madalas na ginagamit ito ng mga scammer upang matukoy ang mga potensyal na target.
  • Huwag tumugon sa anumang mga tanong, lalo na sa mga tanong na maaaring masagot ng "Oo."
  • Huwag kailanman ibigay ang personal na impormasyon tulad ng mga account number, Social Security number, pangalan sa pagkadalaga ng ina, mga password o iba pang impormasyong nakapagpapakilala bilang tugon sa mga hindi inaasahang tawag o kung naghihinala ka.
  • Kung may magtanong sa iyo at nagsabing kinatawan siya ng isang pamahalaan o ahensya ng pamahalaan, ibaba ang telepono at tawagan ang numero ng telepono sa iyong account statement, sa phone book, o sa website ng kumpanya o ahensya ng pamahalaan upang the company's or government agency's website to verify the authenticity of the request. Sa karaniwan, makakatanggap ka ng nakasulat na pahayag sa liham bago ka makatanggap ng tawag sa telepono mula sa isang lehitimong pinagmulan, lalo na kung humihingi ng kabayaran ang tumatawag.
  • Mag-ingat kung pinipilit ka na magbigay agad ng impormasyon.
  • Kung mayroon kang voice mail account sa iyong serbisyo sa telepono, tiyaking magtakda ng password para rito. Paunang nakatakda sa ilang serbisyo ng voicemail na magbigay ng access kung tatawag ka mula sa sarili mong numero ng telepono. Maaaring i-spoof ng isang hacker ang iyong numero ng telepono sa bahay at makakakuha siya ng access sa iyong voice mail kung hindi ka nagtakda ng password.
  • Makipag-usap sa iyong kumpanya ng telepono tungkol sa mga tool sa pag-block ng tawag na maaaring mayroon sila at tingnan ang mga app na maaari mong i-download sa iyong mobile device upang mag-block ng mga hindi gustong tawag.
  • Kung gumagamit ka na ng teknolohiya sa pag-block ng robocall, madalas na nakakatulong na ipaalam sa kumpanya kung aling mga numero ang gumagawa ng mga hindi gustong tawag upang makatulong silang ma-block ang mga tawag na iyon para sa iyo at sa iba.
  • Upang i-block ang mga tawag ng telemarketing, irehistro ang iyong numero sa Listahan ng Huwag Tawagan (sa English). Kinokonsulta ng mga lehitimong telemarketer ang listahan upang maiwasang tawagan ang parehong numero ng landline at mobile phone sa listahan.

Mga FAQ sa Mga Robocall

Mga FAQ Tungkol sa Mga Robocall

Ang mga robocall ay mga tawag na ginawa gamit ang isang autodialer o naglalaman ng mensaheng ginawa gamit ang isang paunang ni-record o artificial na boses.

Sa kasamaang palad, dahil sa mga pagsulong ng teknolohiya, mas mura at mas madali na ngayong nagagawa ang mga ilegal at na-spoof na tawag mula saanman sa mundo. Iyon ang dahilan kung bakit ito naging problema para sa mga consumer, at naging mas mahirap na lutasing problema.

Tandaan na maraming robocall ang legal. Bagama't nagsagawa kami ng maraming pagkilos, at patuloy na nagsisikap na mabawasan ang mga ilegal na robocall, mahirap na problema ito at kailangan ng mga kumplikadong solusyon. Ang pinakakumplikadong bahagi ay pagtukoy sa mga ilegal na tawag nang real time upang ma-block ang mga iyon nang hindi bina-block ang mga sumusunod sa batas na tawag.

  • Ano ang mga panuntunan para sa mga robocall? expand and contract
  • Ano ang mga panuntunan para sa pagtawag ng mga telemarketer sa isang landline sa bahay? expand and contract
  • Ipinagbabawal ba ang mga robocall sa mga mobile phone? expand and contract
  • Anong mga uri ng mga awtomatikong na-dial na tawag ang pinapahintulutan sa ilalim ng mga panuntunan ng FCC? expand and contract
  • Ano ang mga panuntunan tungkol sa pag-release ng mga linya ng telepono ng mga robocall? expand and contract
  • Mayroon bang mga organisasyon o indibidwal na hindi sakop ng mga panuntunan ng Huwag Tawagan? expand and contract
  • Maaari ba akong mag-opt out sa mga awtomatikong na-dial na tawag? expand and contract
  • Saan ko dapat ihain ang aking reklamo sa hindi gustong tawag? expand and contract
  • Ano ang ginagawa ng FCC sa mga reklamo ng consumer? expand and contract
  • Paano makakakuha ang mga paaralan ng higit pang impormasyon tungkol sa pagsunod? expand and contract

Mga Robotext

Mga Robotext

Ipinagbabawal ng mga panuntunan ng FCC na magpadala ng mga text message sa isang mobile phone gamit ang isang autodialer maliban kung nagbigay ka dati ng pahintulot na matanggap ang mensahe o kung ipinadala ang mensahe para sa mga emergency.

  • Para sa mga pangkomersyong text, dapat na nakasulat ang iyong pahintulot.
  • Para sa hindi pangkomersyo, pagbibigay ng impormasyon na text (tulad ng ipinapadala ng o sa ngalan ng mga tax-exempt non-profit na organisasyon, para sa mga layuning pampulitika, at iba pang hindi pangkomersyong layunin, tulad ng mga pagsasara ng paaralan), maaaring pasalita ang iyong pahintulot.

Nalalapat ang pagbabawal kahit na hindi mo inlagay ang iyong numero ng mobile phone sa pambansang listahan ng Huwag Tawagan.

Mga tip para makaiwas sa mga hindi gustong text

  • Huwag tumugon sa mga hindi gustong text mula sa mga kahina-hinalang pinagmulan. Maraming mobile service provider ang nagbibigay-daan sa iyong i-block ang nagpadala sa pamamagitan ng pag-forward sa mga hindi gustong text sa 7726 (o "SPAM"). Itanong sa iyong provider kung ano ang iyong mga opsyon.
  • Mag-ingat sa pagbibigay ng iyong numero ng mobile phone o anumang iba pang personal na impormasyon.
  • Basahin ang mga pangkomersyong web form at tingnan kung may patakaran sa privacy kapag isinusumite ang iyong numero ng mobile phone sa anumang website ng customer. Dapat na magawa mong mag-opt out sa pagtanggap ng mga text – ngunit maaaring kailanganin mong lagyan o alisan ng check ang isang paunang napiling kahon para magawa ito.
  • Alamin kung may patakaran ang kumpanyang katransaksyon mo na nagbibigay-daan dito na ibenta o ibahagi ang iyong impormasyon.

Kumilos

Maghain ng reklamo (sa English) sa FCC kung makatanggap ka ng:

  • Hindi gustong pangkomersyong text message na ipinadala sa iyong mobile phone.
  • Awtomatikong na-dial na text message na ipinadala sa iyong mobile phone kung hindi mo pinahintulutan ang mensahe dati (o kung hindi ito emergency).
  • Anumang awtomatikong na-dial na text message mula sa isang kumpanya ng telecommunications o nag-a-advertise sa mga produkto o serbisyo ng kumpanya ng telecommunications, kung ipinadala nang walang paunang pahintulot mo.

Pag-spoof

Video ng FCC na Mamimili: Huwag Ipagpatuloy, Babaan agad ng Telepono! - Sa panoorin ang video na may kapsiyon, pindutin ang "i-play," at sunod na pindutin naman ang icon na "CC".

Iba pang mga Video - Si Tagapangulong Pai patungkol sa "neighbor spoofing"

Pag-spoof at Caller ID

Ang pag-spoof ng Caller ID ay kapag sinasadyang palsipikahin ng tumatawag ang impormasyong ipinapadala sa display ng iyong ID upang itago ang kanilang pagkakakilanlan. Madalas na ginagamit ang pag-spoof bilang bahagi ng pagsubok na linlangin ang isang tao na magbigay ng anumang mahalagang personal na impormasyon para magamit ito sa mapanlokong aktibidad o ilegal na ibenta, ngunit para gamitin din sa lehitimong paraan, halimbawa, upang ipakitaang toll-free na numero para sa isang negosyo.

  • Ano ang pag-spoof ng kapitbahay? expand and contract
  • Kailan ilegal ang pag-spoof? expand and contract
  • Ano ang maaari mong gawin kung inii-spoof ang iyong numero? expand and contract
  • Ano ang pagba-block o pagle-label? expand and contract
  • Ano ang mga panuntunan ng caller ID para sa mga telemarketer? expand and contract

Mga Tawag at Text na Pampulitika

Mga Robocall at Robotext ng Kampanyang Pampulitika

Nag-iiba-iba ang mga paghihigpit sa mga robocall o robotext na nauugnay sa kampanyang pampulitika batay sa kung naihatid ang tawag sa isang teleponong landline, cellphone, o ilang partikular na pinoprotektahang linya ng telepono tulad ng mga pang-emergency o toll-free na linya, o mga linyang nagsisilbi sa mga ospital o katulad na pasilidad.

Ang mga awtomatikong na-dial o paunang na-record na boses na tawag na nauugnay sa kampanyang pampulitika, kabilang ang mga awtomatikong na-dial na live na tawag, paunang na-record na boses na mensahe, at text message, ay:

  • Hindi pinapayagan sa mga cellphone, pager, o iba pang mobile device nang walang paunang ipinahayag na pahintulot ng tinawagan.
  • Hindi pinapayagan usa mga pinoprotektahang linya ng telepono tulad ng mga pang-emergency o toll-free na linya, o mga linyang nagsisilbi sa mga ospital o katulad na pasilidad, maliban kung ginawa nang may paunang ipinahayag na pahintulot ng tinawagan.
  • Pinapayagan kapag ginawa sa mga teleponong landline, kahit na walang paunang ipinahayag na pahintulot.

Ang mga robotext - mga text message na ginawa sa pamamagitan ng awtomatikong pag-dial - ay itinuturing na uri ng tawag at sumasailalim sa lahat ng panuntunan ng robocall. Dahil karaniwang napupunta ang mga text message sa mga mobile phone, kailangan ng mga iyon ang ipinahayag na pahintulut ng tinawagan kung nagawa ang mga iyon gamit ang awtomatikong pag-dial. Gayunpaman, maaaring ipadala ang mga text message na pampulitika nang walang paunang pahintulot ng nilayong tatanggap kung hindi gumamit ang nagpadala ng teknolohiya ng awtomatikong pag-dial upang ipadala ang text.

Ang lahat ng paunang na-record na tawag ng mensaheng boses, nauugnay sa kampanya at hindi, ay dapat na may kasamang ilang impormasyon sa pagkakakilanlan:

  • Ang pagkakakilanlan ng negosyo, indibidwal, o iba pang entity na nagsisimula sa tawag (at kung isang entity ng negosyo o kumpanya, ang opisyal na pangalan ng negosyo ng entity) ay dapat na malinaw na binanggit sa simula ng mensahe.
  • Gayundin, dapat na ibigay ang numero ng telepono ng tumatawag habang ibinibigay o pagkatapos ibigay ang mensahe.

Mga Mapagkukunan sa Pag-block ng Tawag

Mga Mapagkukunan sa Web para sa Pagba-block ng Mga Robocall

Ibinibigay ang mga mapagkukunang ito upang magkaroon ka ng impormasyong magagamit mo upang i-block o i-filter ang mga hindi gustong tawag at pigilan ang mga nakakainis na robocall.

Maraming available na serbisyo sa pag-block ng tawag o pag-label ng tawag para sa mga wireless o VoIP (Voice Over Internet Protocol) na serbisyo sa telepono. Gayunpaman, mas mahirap gawin ang pag-block ng mga tawag sa mga tradisyual na teleponong copper landline. Makipag-usap sa iyong kumpanya ng telepono tungkol sa mga mapagkukunan sa pag-block o pag-label ng tawag.

Para sa pagbibigay ng impormasyon lang ang mga paglalarawan at link na ibinigay. Hindi ineendorso ng FCC ang anumang produkto o serbisyo na hindi mula sa FCC, at hindi responsable para sa nilalaman ng mga website na hindi mula sa FCC, kabilang ang kanilang katumpakan, pagiging kumpleto o napapanahon ng mga iyon.

Ang lahat ng link ay tumuturo sa mga web page sa wikang English.

Listahan ng Huwag Tawagan

Ang Pambansang Listahan ng Huwag Tawagan

Pinoprotektahan ng pambansang listahan ng Huwag Tawaganang mga numero ng landline at mobile phone. Maaari mong irehistro ang iyong numero sa pambansang listahan ng Huwag Tawagan nang libre sa pamamagitan ng pagtawag sa 1-888-382-1222 (boses) o 1-866-290-4236 (TTY). Dapat kang tumawag mula sa numero ng telepono na nais mong iparehistro. Maaari ka ring magparehistro sa donotcall.gov (sa English) .

Dapat na alisin ng mga telemarketer ang iyong mga numero mula sa kanilang mga listahan ng tatawagan at huminto sa pagtawag sa iyo sa loob ng 31 araw mula sa petsa noong magparehistro ka. Mananatili sa listhan ang iyong mga numero hanggang sa alisin mo ang mga iyon o huminto sa serbisyo – hindi kailangang muling magrehistro ng mga numero.

Sa ilalim ng mga panuntunan ng FCC, dapat na ibigay ng mga telemarketer na tumatawag sa iyong bahay ang kanilang pangalan, kasama ang pangalan, numero ng telepono, at address kung saan maaaring makaugnayan ang kanilang employer o contractor. Ipinagbabawal ang mga tawag ng telemarketing sa iyong bahay bago ang 8 am o pagkatapos ng 9 pm, at kailangang sumunod agad ang mga telemarketer sa anumang kahilingang huwag tawagan na gagawin mo habang nasa tawag.

Nasa Pambansang Registry ng Huwag Tawagan ka man o wala, sabihin sa mga hindi gustong tumatawag na hindi mo pinapahintulutan ang tawag at ilagay ka nila sa internal na listahan ng huwag tawagan. Itala ang numero ng tumatawag at kapag nahiling mo nang huwag matawagan, at maghain ng reklamo sa FCC kung hindi sumunod ang tumatawag sa iyong kahilingan.


Mga FAQ

Ano ang pangangalap sa telepono?

Ang pangangalap sa telepono ay isang tawag sa telepono na nagsisilbing isang advertisement. Gayunpaman, napapahintulutan ang ilang pangangalap sa telepono sa ilalim ng mga panuntunan ng FCC, kabilang ang: mga tawag o mensaheng ginawa nang may paunang ipinahayag na pahintulot mo, ng o sa ngalan ng isang tax-exempt non-profit na organisasyon, o mula sa isang tao o organisasyon. Gayunpaman, ang pagkakaroon ng naitaguyod na ugnayan sa negosyo ay hindi na nakakatugon sa mga panuntunan para sa napapahintulutang hindi hinihinging tawag sa iyong teleponong landline. Dapat na makuha ng mga kumpanya at telemarketer ang iyong ipinahayag na pahintulot upang makatawag.

Mayroon bang anumang iba pang listahan kung saan maaari kong irehistro ang aking numero?

Oo. Marami na ngayong estado ang may pambuong estadong listahan ng huwag tawagan para sa mga residente. Makipag-ugnayan sa komisyon sa serbisyo sa publiko o opisina sa pagprotekta sa consumer ng iyong estado upang makita kung may ganoong listahan ang iyong estado, at upang malaman kung paano irehistro ang iyong numero o mga numero. Para sa impormasyon sa pakikipag-ugnayan para sa iyong komisyon sa serbisyo sa publiko , tingnan ang mga listahan ng pamahalaan o mga blue page ng iyong lokal na directory ng telepono.

Kung patuloy akong nakakatanggap ng mga naturang tawag, ano ang maaari kong gawin?

Kung makatanggap ka ng pangangalap sa telepono na sa tingin mo ay lumalabag sa anumang mga panuntunan ng FCC, maaari kang maghain ng reklamo sa FCC (sa English). Maaaring magbigay ang FCC ng babala at magpataw ng mga multa laban sa mga kumpanyang lumalabag o pinaghihinalaang lumalabag sa mga panuntunan ng huwag tawagan, ngunit hindi nagbibigay ng mga indibidwal na danyos.

 

Date Last Updated/Reviewed: 
Friday, June 7, 2019